Suspendido ang natalana nga payout sa kapin 15,000 ka mga “lefouts” nga beneficiaries sang “social amelioration program” sa ciudad sang Bacolod.
Ini ang ginpahayag ni Mrs. Pacita Tero, sang DSSD Bacolod City
sa Radyo Bandera subong nga adlaw.
Suno kay Mrs. Tero nga madamu sa ila mga workers ilabi na sa DSWD nga nag-upod sa payouts ang na expose sa mga lugar nga may yara nagpositibo kag ang iban nga nagpositive nagkuha pa sang ila kuarta sa SAP.
Gintumod sini ang kaso sa Brgy. Alijis sa diin ang ila focal person ang nakacontact sa worker sa barangay nga ang bana nagpsoitibo sa Covid-19.
Bangud sini magapaidalum ang mga workers sang DSWD Region kag mga staff sa “home qurantine” kag hulaton ang mangin resulta sang ila swab test antes mag schedule liwat sang payout.
Sa nahibaluan nga karon nga adlaw magapatigayon kuntani sa testing sa kapin 20 ka mga beneficiaries sa kada payout center agud nga makita kon maggana ang ila online system sa mga pera padala nga authorized sa DSWD.
Nagapangayo naman sang paghangop ang DSSD bangud nga mabutang sa kompromiso ang ikaayong lawas sang mga beneficiaries kag workers bangud sang nasambit nga hitabu.
