Nasapwan nalang nga nagabitay sa balayan ang 16-anyos nga estudyante kag wala na sang kabuhi las 2:10 kaina sang kaagahon, Miyerkules, Hunyo 14 sa Brgy. Orong, syudad sang Kabankalan.
Ang biktima ang isa ka babayi.
Sandig sa imbestigasyon sang kapulisan, ang biktima nasapwan nalang sang iya amay kag utod sa sulod sang iya nga kwarto nga nagabitay gamit ang habol kag nagapalibot sa iya nga li-og.
Gindala pa sa hospital ang biktima apang wala na ini matabangan.