19-anyos nga rider patay matapos makabunggo sa center island sa Talisay

Ginbawian sang kabuhi ang 19-anyos nga rider matapos makabunggo sa center island sa National Highway sa may Bangga Doce, Brgy. Zone 1, siudad sang Talisay, Negros Occidental, takna las 10:40 sang gab-i, Miyerkules, Oktubre 11, 2023.

Ang biktima amo ang residente sang Hba. Sagrado 3, Barangay Zone 16, Talisay City.

Base sa inisyal nga imbestigasyon sang Talisay City Police Station, nagabiyahe ang biktima gikan sa Silay City padulong sa Talisay City proper sang madulaan ini sang kontrol sa ginamaneho nga motorsiklo kag aksidente nga nakabunggo sa center island.

Nakaangkon sang patal nga pilas sa lawas ang biktima nga gintunaan sang iya gilayon nga kamatayon.*