Ginkilala ang duha ka mga napatay nga miembru sang inteliigence division sang Alpha Company sang 15th Infantry Brigade sang Philippine army nga sanday Sgt. Jhoerom Mequillo sang Brgy. Malamote, Midsayap, North Cotabato kag Cpl. Alaster Balboa sang San Jose Rd, Zone 2, Zamboanga City.
Base sa report sang Cauayan PNP nga halin sa Brgy. Camalandaaan sanday Mequillo kag Balboa agud magkuha sang pila ka mga inpormasyon.
Alas Dos sang hapon, Abril 3, 2021 sang nagapauli na ang duha sakay sa ila motorsiklo sila ang gin-ambush sang wala mahibaluan nga kadamuon sang ginaalegar katapu sang New People’s Army sa Brgy. Yao yao.
Gilayon nga nagresponder ang mga katapu sang 15th IB sa ambush site kag naabutan na nga dugoon kag wala sang kabuhi ang duha ka mga kaupdanan.Padayon naman ang ginahimu nga hot pursuit operation sang militar sa nasambit nga rebelde nga grupo.
Nag-abot naman ang SOCO kag gin-usisa ang bangkay sang duha ka soldado nga napatay sang ini ang gindala sa hospital sa banwa sang Cauayan.
Kon madumduman nga 10 man ka miembru sang NPA ang napatay sa natabu nga engkwentro sa Guihulngan City, Negros Oriental sadtong nagligad nga semana.
