Paandam: suicide (hungod nga wala ginhingadlan ang biktima bangud sensitibo ini nga balita)
SAN CARLOS CITY – Patay na sang nasapwan nga nagabitay ang isa ka 21-anyos nga lalaki sa siudad sang San Carlos sang Miyerkules, Nobyembre 9.
Base sa pahayag sang himata, naglisensya ang biktima nga matulog apang nasapwan na lamang ini nga nagabitay gamit ang nylon rope.
Dugang pa sang pamilya sang biktima, luyag pa kuntani ipakita sang biktima ang iya paghikog sa iya nobya pinaagi sa video call.
Apang wala ini nasapak sang nobya kay yara ini sa eskwelahan kag ginadumilian ang paggamit sang cellphone.
Nakibot na lamang ang nobya sang nahibaluan ang natabo sa iya nobyo.
Nahibaluan nga ginapakamalaut ang ila relasyon sang himata sang nobya bangud “pobre” ang biktima.
Ginapahinumdom sa mga pumuluyo nga naga-antos sang depresyon kag iban pa nga mga mental illness nga mahimo nga magpalapit sa National Center for Mental Health (NCMH) pinaagi sa ila nga crisis hotlines: https://ncmh.gov.ph/index.php/contact
