Indi magnubo sa 22 ang patay samtang masobra 250 ang pilason sa surprise attack sang Palestinian Islamist group nga Hamas sa Israel sang Sabado, Oktubre 7, 2023.
Ginakabig ini nga “biggest attack” sa Israel sa sulod sang pila ka tuig kag nagapromisa si Prime Minister Benjamin Netanyahu nga magabalos ini.
“Our enemy will pay a price the type of which it has never known… We are in a war and we will win it,” pahayag sini.
Samtang ginakumpirmar pa sang Philippine embassy sa Tel Aviv ang reports nga may Filipino workers nga ginpangdakop sang Hamas.
“As for the Filipino student under the Agrostudies program in Israel, the person in charge said they have received no reports of kidnapping so far. All are accounted for,” dugang sang embassy.
Apang suno sa Department of Migrant Workers (DMW), na-contact na sang Filipino community leaders sa Israel ang ila mga miyembro kag wala pa sila sang nabaton nga malain nga report.
Nagtukod naman sang task force ang DMW kag Overseas Workers Welfare Administration (OWWA) agud mabantayan ang sitwasyon sang mga Pilipino sa Israel.
“They report that they remain calm and are accounted for. FilCom leaders remain in contact with the Philippine embassy and MWO,” pahayag sang DMW sini nga Sabado.
