Naglab-ot lang sa 25 ka bata sa 23,727 nga nabakunahan batok COVID-19 ang nakabatyag sang adverse effect, suno sa isa ka health official.
Sa isa ka online media briefing, ginsiling Health Undersecretary Myrna Cabotaje nga tatlo ka bata ang nakabatyag sang seryoso nga side effect kalakip ang anaphylaxis ukon malala nga allergy nga kinahanglan sang injection sang epinephrine kag oxygenation.
Ang iban naman nga kabtaan nga nabakunahan ang nakabatyag sang immunization-related anxiety response kaangay sang pagkalipong kag palpitation.
Sa Nobyembre na nakatalana nga bakunahan ang tanan nga mga bata nga naga-edad 12 tubtob 17 anyos bisan wala sang comorbidities.
“Ang 12 to 17 years old po ay 12,722,070 individuals sa buong bansa iyan and by December our target is to vaccinate at least 80 percent of the target population with two doses,” pahayag ni Cabotaje.
