27 na ang patay bangud sa pagbubu sang ulan sa Pilipinas, humalin sang Enero 2

Nagsaka pa gid ang kadamuon sang mga nagkalamatay sa Pilipinas, bangud sang sige sige nga pagbubu sang ulan, humalin sang Enero 2.

Base sa record sang Department of National Defense (DND), nagsaka na sa 27 ang kadamuon sang mga nabawian sang kabuhi bangud sang pagbaha sa nagkalain lain nga bahin sang Pilipinas.

Tatlo pa ang kadamuon sang gindeklarar “missing” kag 11 naman ang nagkalasamaran.

112,000 ka mga indibidwal ang napilitan nga magbiya sa ila mga puluy-an bangud sang kalamidad sa 13 ka mga rehiyon sa pungsod.*