Nagahilibi-on ang isa ka amay sang masapwan las 2:00 sang kaagahon ang iya anak nga nagatiskog na kag nagakabit sa sulod sang ila balay sa isa ka purok sa Brgy. Punta Taytay, ciudad sang Bacolod sini nga Martes, Nobyembre 29.
Base sa interview sang Radyo Bandera Bacolod sa amay sang biktima nga kahapon nga adlaw maayo pa ang ila pagtamdanay kag dungan pa sila kaon sang iya anak.
Nag inom-inom sila kagab-e sang iya anak sa isa ka birthday party sang nag-lisensya ang biktima nga mauna na ini puli sa ila nga balay.
Tabi sang amay nga mapuli kag matulog lang ang iya anak.
Pagpauli sang amay sa ila balay, natingala siya nga patay ang suga kag wala naga-andar ang ceiling fan.
Pagpasiga niya sang suga, nakibot nalang ini nga nagabitay na ang iya anak sa kisame kag may higot sang kalat ang li-og sini.
Nahibaluan nga ang biktima ang may asawa nga ato sa General Santos kag may isa ka anak nga naga-edad lima ka tuig.
Dugang pa sang amay nga plano pa kuntani sang biktima nga magapa-Manila sa maabot nga New Year.
Sa karon, wala pa mahibaluan kong ano ang rason sa paghikog sang biktima.
