Indi na malain para kay Department of Information and Communications Technology (DICT) Secretary Gregorio Honasan II ang internet speed sang Pilipinas sa karon nga 3-7 Mbps.
Ginhimo ni Honasan ang pahayag sa budget deliberations para sa P46- bilyon nga budget para sa DICT sa 2021.
“No excuses po, we take full responsibility [sa isyu ng internet speed]. Sa ibang bansa pumapalo sila ng 55 Mbps, tayo naglalaro between 3 and 7 (Mbps), pero hindi na po ito masama,” Pahayag sini
Suno naman kay DICT Assistant Secretary Emmanuel Caintic, nagdasig na ang internet speed sang pungsod nga 7.91 Mbps tubtob 25.07 Mbps sa fixed broadband, kag yara sa 7.4 to 6.25 Mbps naman sa mobile internet.
“Hindi natin ikinagagalak ito kasi ang ating neighbors ay nasa 200 Mbps on fixed broadband at 56.43 [Mbps] on mobile,” pahayag ni Caintic
Agud nga mas mapaayo pagid ang mobile connectivity, nagpaggwa ang DICT sang 23 provisional independent tower company (ITC) certificates of registration.
Ang nasambit nga provisional certificate ang magaserbe nga provisional authority agud makaangkon, makapatindog , magpamalakad kag mag-operate sang “one or more Passive Telecommunications Towers Infrastructures,” suno sa DICT.
