Lunsay nakaangkon sang “fatal” nga mga igo sang bala ang tatlo ka mga kabataan kag tatlo ka mga staff sang isa ka pribado nga Christian School sa Tennessee, USA, matapos nga ginluthang sang 28 anyos nga lalaki, Lunes nga adlaw, Marso 28.
Nangin estudyante man sang nasambit nga eskwelahan ang suspek , apang wala pa mahibaluan kon anu ang motibo sa kremin.
Ginkilala ang suspetsado nga si Audrey Elizabeth Hale, 28 anyos, residente sang Nashville.
Suno sa mga otoridad, isa ka “transgender” ang suspek kag wala sang “criminal record”.
Patay man ang suspek sa kremin, matapos nga maabtan sang mga katapu sang Metropolitan Nashville Police Department kag naluthangan sa lobby sang eskwelahan.
Nakasulod sa “The Covenant School” ang suspek , pinaagi sa pagluthang sang mga glass window sang building.
Armado ang suspek nga si Hale sang semi-automatic rifle kag duha ka handguns.
Ginkilala ang mga biktima nga sanday:
Evelyn Dieckhaus (9 years old)
Hallie Scruggs (9)
William Kinney (9)
Mike Hill (61) a school custodian,
Cynthia Peak (61) a substitute teacher
Katherine Koonce (60) head of school
