Si Mariam Nabatzi, 36 anyos nga taga Uganda ang may yara sang 44 ka mga kabataan sa diin, 6 sa mga diri ang nagtaliwan sang timprano.
Suno sa report, 12 anyos palang ginkasal na siya sa isa ka 40 anyos nga lalaki kag sugod sini, nagbusong si Mariam tubtob nga nakabata ini sang 44.
Apang, lipod sa ihibalo sang publiko, may yara sang pinasahi nga kondisyon si Mariam.
Para sa madamo nga mga kababainhan, “fertile” sila 12 tubtob 14 ka adlaw antes ang bulanan nga menstruation kag may yara sang tyansa nga mabusong kung indi protektado ang ila pakighilawas.
Apang, sa kondisyon ni Mariam, pila ka mga “egg cell” ang ginapaguwa sang iya lawas sa kada bulan.Bangod diri, mas madamo siya sang ginabusong kag ginabata.
Ang ini nga sahi sang kondisyon ang posible “hereditary.”Si Mariam ang may yara sang 6 ka pares sang kapid nga bata, 4 ka triplets, kag 5 ka quadruplets.
Bangod man sa iya kondisyon, ginrekomendar sang doktor nga indi na magpabusong bangod makalain na ini sa iya ikaayong lawas.
Wala man si Mariam ginapasugtan mag-inom sang “birth control pills” bangod may yara lamang siya sang “hormonal imbalance” nga mas posible makapalala sang iya kondisyon.
