Ginbawian sang kabuhi ang 59 ka mga tawo kaupod ang 12 ka mga kabataan matapos makapan ang ila ginasakyan nga bangka sa kadagatan sang Calabria region sa Italy.
Sandig sa report sang mga otoridad, halin ang sakayan pandagat sa Turkey kag sakay sini ang 200 ka mga pasahero nga gikan sa Afghanistan, Iran kag iba pa nga pungsod.
Nakabunggo sa bato ang bangka kag bangud man sa dalagko nga balod, nakapan ini malapit sa Steccato di Cutro, isa ka resort sa Calabria.
Ginkumpirmar naman ni Manueal Curra, isa ka opisyal sang Provincial Government nga 81 ka mga persona ang nakaluwas sa nasambit nga insidente.
Nagdangat naman sa 20 ka mga persona ang ginabulong karon sa ospital kalakip na diri ang yara sa intensive care unit.
Ginabulubanta nga yara sa 20 tubtob 30 ka tawo ang nagapabilin nga missing.*
