VICTORIA, Australia – Daw alien kung ilaragway sang dowa ka turista ang nasiplatan nila nga isda sa baybayon sang Kennett River.
Suno pa kay Tim Rothman sa Geelong Advertiser, nagalakat sila sadto upod ang iya bayan nga si James Barham sang ila nasiplatan ang isa nga may kalabaon nga 6-foot kag itsura nga alien.
Suno sa National Geongraphic, isa ini ka sahi sang ocean sunfish, nga naglab-ot tubtob 11-feet ang kalabaon kag may kabug-aton nga 2.5 tonnes.
Masami ini nga makita sa mga baybayon sa nasambit ngap ungsod apisar nga mas limitado lang ini nga makita sa malayo nga kadagatan.
Kaangot sini, ginapatihan nga pila na ka adlaw sa kilid sang baybay ang isda bangod may una na diri nga nakakita.
Suno kay Cath kag Tom Rampton nga lunsay mga veterinarian, tuman nila nga ginkakibot sang makita ang isda nga wala pa nila kaagi kita sadto.
Paathag naman sang isa ka fish collection manager sang South Australian Museum nga si Ralph Foster, pamahog ang mga sunfish sa mga Bangka.
Masami ini nga makaguba sang mga yate suno kay Foster.
Samtang, isa sa mga rason sang ila kamatayon amo ang pagkaon sang mga plastic bags nga masami ginapatihan nila nga jelly fish.
