BACOLOD CITY- Nakuhaan sang 68 mil pesos nga balor sang iligal nga druga ang isa ka lalaki sa ginpatigayon nga buybust operation sang mga katapo sang Bacolod City Police Station 4 sa Banana St. Villa Angela Subdivison Brgy. Villamonte siudad sang Bacolod.
Ang suspek ang ginkilala kay `Eddie Boy Belibestre, legal ang pang-edaron, isa ka high-value individual kag residente sang Prk. Bayanihan Brgy. Villamonte siudad sang Bacolod.
Nakuha sa paghinakop sang suspek ang lima tanan ka plastic sachets sang suspected shabu, P500.00 pesos nga buybust money, isa ka coin purse kag P400.00 pesos nga cash proceeds.
Si Belibestre ang yara na karon sa kustodiya sang Police Station 4 sa nagakaigo nga disposisyon.