Apisar nga nagnubo ang annual budget sang iban nga LGU, nangin malipayon naman syudad sang Cadiz matapos nga 7 ka porsyento ang ginabulubanta ginsaka sang annual budget sang syudad para sa tuig 2021 suno kay Mayor Salvador Escalante Jr. sa exclusive interview sang Radyo Bandera.
Kapin sa 1.25 million ang mabaton nga budget sang syudad sa sunod nga tuig.
Samtang, ginpalayag man ni Mayor Escalante nga sa karon maayo ang agricultural products sang syudad ilabi na sa produksyon sang kalamay.
Dako man ang natipon nga kwarta sang syudad ilabi na nga ginpaiway ang mga travel, seminars kag iban pa sa syudad nga naglab-ot sa 20 tubtob 30 million.
Sa karon, ang nasambit naman nga budget sa 2021 ang nakareserba para naman sa bulong para sa COVID-19, mga kinahanglan sa preparasyon sang DRRMO kag iban pa nga kinahanglanon sa pag-igo sang COVID-19 sa nasambit nga syudad.
