BACOLOD CITY – Kibyas sa ilong ang naangkon sang 72-anyos nga lalaki sa nagluntad nga shooting incident sa parking lot sang SM City Bacolod, Reclamation Area sa Barangay 12, syudad sang Bacolod, sini lang nga Huwebes sang hapon, Disyembre 15, 2022.
Ginkilala ang biktima kay Cesar Nerpiol.
Base sa inisyal nga imbestigasyon, upod sang biktima ang iya manager nga nagpaniyaga sa sulod sang mall.
Pagbalik nila sakay sa Ford Everest nga salakyan, gulpi lang sila nga ginluthang.
Duha ka mga lupok ang nabatian sa crime scene.
Nahibaluan nga may duta ang biktima nga ginapa-subdivide sa Purok Pedrosa, Barangay Alijis sa syudad sang Bacolod.
May yara sang dispute sa nasambit nga property bangud may naga-squat nga mga indibidwal sa lugar.
Nadalahig man sa pagpangluthang ang salakyan sang bise alkalde sang banwa sang Valladolid nga Toyota Hi-Ace Grandia.*