81 ka mga persona sa Pilipinas, nagpositibo sa XBB Omicron Subvariant

Ginkumpirmar sang Department of Health nga na “detect” ang 81 ka mga kaso sang XBB Omicron subvariant sa duha ka mga rehiyon sa Pilipinas.

Naka recover na ang 70 ka mga nagpositibo sa nasambit nga variant, apang may 8 pa sa mga nagpositibo nga nagapaidalum sa “isolation”.

Ginahibalo pa sang DOH ang status sang tatlo ka mga indibidwal nga nagpositibo.

Base sa mga pagtuon, ang XBB coronavirus subvariant mahimo makalaton bisan pa sa mga indibidwal nga nakaangkon na sang kumpleto nga bakuna okon indibidwal nga may “antibodies” na sang COVID 19.

Ang XBB coronavirus, isa man sa mga gintumod nga rason sa pagdamu sang kaso sang COVID 19 sa Singapore.*