9.6 MILLION KABATAAN TARGET MABAKUNAHAN

Target sang Department of Health (DOH) nga mabakunahan kontra COVID-19 ang kapin 9.6 million kabataan nga lakip sa 12-17 age group antes matapos ang tuig.

Angut ini sa anunsyo ni Health Undersecretary Myrna Cabotaje nga maga-umpisa na ang vaccination sa mga menor de edad bisan wala sang comorbidities sa Metro Manila sa Nobyembre 3 kag sa bilog nga pungsod sa Nobyembre 5.

Ginsiling pa sang opisyal nga ang 9.6 million ang 80% sang 12 million ka mga kabataan nga nalakip sa amo nga age group sa bilog nga pungsod.

Tinutuyo sang pediatric vaccination nga maganyat pa ang iban nga miyembro sang pamilya nga magpabakuna naman agud magbalik na ang mga bata sa ‘face-to-face classes’.