Sa pihak sang mga plano nga ipa-isol ang eleksyon, ginpasiguro sang Commission on Election nga magapadayon ang ila preparasyon.
Suno sa COMELEC, yara na sa 80 porsyento ang ila preparasyon sa patigayunon nga eleksyon sa Disyembre 5.
Natalana na nga ipagwa sang komisyon ang guidelines kag mga resolusyon para sa eleksyon kag umpisahan naman ang pag imprenta sang balota.
Ginpasiguro ni COMELEC chairman George Garcia nga paga gamiton man sa gihapon sa masunod nga eleksyon ang tanan nga kagamitan kon makansela gid man ang barangay election.
Kalakip sini nga mga kagamitan amo ang ballpen, ballot boxes, indelible ink kag iban pa gid nga mga kagamitan.
Ginklaro man ni Garcia nga mahimo man magamit ang mga balota kon madayon na ang barangay election.
Yari ang ginpaathag ni Garcia:
“Hindi naman masasayang ‘yan, mula sa ballpen, sa ballot boxes, at sa indelible ink, ibang kagamitan. Kahit makapag-print tayo ng balota ay walang effect ‘yan. Ang balotang na-print natin ay puwedeng gamitin sa susunod na eleksyon sakaling ma-reset… ang elections.”
