Matapos makabaligya sang linibo nga kopya si Saeed Rashed AlMheiri sang iya libro nga “The Elephant Saeed and the Bear”, ginpasidunggan ini sang Guinness World Record (GWR) bilang “The Youngest Published Author in the World.”
Sa report sang Philippine Star, mabasa sa libro ni Saeed ang kaayo kag pag-abyanay sang elepante kag polar bear.
Nangin inspirasyon ni Saeed ang iya magulang nga si AlDhabi, isa man ka record-holder bilang “youngest person to publish a bilingual book (female)” kag “youngest person to publish a bilingual book series (female)” sang ini ang walo ka tuig pa lang.
Pahayag ni Saeed, palangga niya ang iya utod nga babayi kag nanamian ini nga maghampang upod sa iya.
“We read, write, draw, and do so many activities together. I wrote my book [inspired by her] as I felt that I could have my own book too,” suno kay Saeed.
Ginahimo na sang mag-utod ang ila masunod nga libro kag nagalaum nga makakuha liwat sila sang world record.*
