CUBAO, QUEZON CITY– Hakot awards ang entry nga “About Us But Not About Us” sa ginpatigayon nga 1st Summer Metro Manila Film Festival 2023 Gabi Ng Parangal.
Ginpatigayon ang pagpasidungog sa Novotel Manila sa Cubao, Quezon City kahapon, Martes, Abril 11, 2023.
Nakuha sang nasambit nga pelikula ang Best Picture, Best Director kag Best Screenplay para kay Jun Robles Lana, Best Cinematography, Best Editing, Best Production Design, Best Musical Score kag Best Sound Design.
Nakabaton man ang lunsay mga lead roles sa pelikula nga sanday Romnick Sarmenta kag Elijah Canlas sang Best Actor kag Special Jury Prize.
Ginkilala man bilang Best Actress si Gladys Reyes sa pelikula nga “Apag” nga nagdaug man ang pelikula sang Best Original Theme Song kag may titulo nga “Paralaya.”
Apat naman ka dungog ang nakuha sang pelikula nga “Here Comes The Groom” amo ang Third Best Picture, Best Supporting Actor para kay Keempee de Leon, Best Supporting Actress para kay Kaladkaren kag Special Jury Prize.
Nakuha naman sang “Love You Long Time” ang Second Best Picture kag Best Float.
Nangin hurado sa nasambit nga pagpasidungog ang internationally acclaimed actress nga si Dolly de Leon.*
