Plano sang Department of Education (DepEd) nga buksan ang School Year (SY) 2021-2022 sa Agosto 23, 2021.
Suno kay Dep-Ed Undersecretary Diosdado San Antonio, base sa ila ginsapol, ang SY 2020-2021 ang nakatalana matapos sa Hulyo 10, kag kung indi magbag-o ang ila desisyon, magabukas naman ang masunod nga klase sa Agosto 23.
Kung madayon ini, ang bakasyon sang mga estudyante sa mga pampubliko nga eskwelahan ang madalagan sa anum ka semana lang, halin sa anay walo ka semana ukon duwa ka bulan.
Kaangot sini, ginsiling ni San Antonio nga nagahanda naman ang DepEd para sa isa ka ideyal nga senaryo sa masunod nga pagbukas sang klase, sa diin, limited in-person classes ang maga-complement sa distance learning modalities.
Matandaan nga ang klase sa mga public school sa pungsod ang kalabanan nagatapos sa Abril kag nagasugod sa una nga Lunes sang Hunyo.
