RBSFM SPORTSCENTER – Maga untat na sang ila negosyo nga boxing promotion kag boxing gym ang ALA boxing bangud sa padayon nga epekto sang pandemic sa pungsod. Sa sulod na sang 35 ka tuig, ang Cebu based nga ALA Boxing ang naka produce sang madamo na nga world champions kaangay nanday four-division title holder Donnie “Ahas” Nietes kag ang former IBF light flyweight champion nga si Milan Melindo.
Suno sa owner nga sanday Tony Aldequer kag anak sini nga si Michael, isa sang mga rason sa closure amo ang pag pasira sang ila long-time media partner nga ABS-CBN kag ang wala kasigurohan nga future sang industriya sang hinampang tuga sang COVIC-19 pandemic.
Bangud man sa closure, gin buy-an na sang ALA BOXING ang mga naka kontrata sini nga mga boxers agud mangita man sang masaylohan nga boxing stable kag promotion agud maga tin-ad ang ila career sa boxing.
Ang boxing ang isa sa mga naga hatag inspirasyon sa mga pigado nga pinoy fighters nga maka bangon sa kapigaduhon paagi sa pag hampang sa ring kaangay sa pag asenso sang anay pigado man nga boxer nga si Senator Manny Pacman Pacquaio.
