Isa ka anay Philippine Army enlisted personnel ang naghikog sa sulod sang iya nga kwarto takna alas 8:00 sang gab-e, Marso 14 sa Purok Kasadya Barangay Taclobo, Dumaguete City.
Ang biktima ang naga-edad 61 anyos kag residente sang nasambit nga lugar.
Base sa inisyal nga imbestigasyon, nakit-an ang biktima sang iya nga asawa nga nagabitay sa sulod sang kwarto gamit ang pisi.
Gilayon naman nga nanawag ang asawa sang biktima sa iya anak nga amo ang nag-utod sang pisi.
Apang, pag-abot ni Dr. Kenneth Kho sa One Rescue, gindeklarar nga patay mga alas 10:15 sang gab-e ang biktima.
Dugang pa nga ang biktima naga-antos sang sakit sa kidney sa sulod sang duwa ka tuig kag ginapaidalom sa dialysis kada semana.
Suno pa sa asawa, nga antes pa naghikog ang iya bana, nakahambal pa ini sa iya nakapoy na ini sa iya nga kahimtangan.
