Nagtaliwan na ang anay bassist sang Maria Cafra nga si Dennis Fabunan sadtong Lunes, Enero 30.
Si Fabunan ang anak sang orihinal nga bassist sang banda nga si Jun.
Sa pagtaliwan sang amay sadtong 2002 bangud sa heart attack, nag-untat na ang nasambit nga banda.
Apang wala nadula-an sang paglaum si Dennis, kag ginpadayon niya ang Maria Cafra sa tuig 2011.
Sadtong 1970’s kaupod sang Maria Cafra band amo ang Juan dela Cruz Band, Anakbayan kag Sampaguita.
Sikat ang banda sa mga ambahanon nga “Kumusta Mga Kaibigan”, “Exodus” kag “Buhay Gapo”.
Suno pa sa mga miyembro sang banda, ginapasalamatan nila si Dennis bangud ginbalik niya ang gintukod sang iya amay.
Nagbiya naman si Dennis sa banda sadtong 2017 agud magpadayon sa lakat sang iya pangabuhi.
Magapaguwa naman sang bag-o nga album ang banda sa Pebrero 10 kaupod sanday Bughaw Brew, Jesse Bartolome kag Lolita Carbon.*
