Aritos ni Kylie Versoza Nagabalor P1.2 Million?

P1,285,000 ang balor sang aritos nga ginsuksok sang aktres kag Miss International 2016 Kylie Versoza sadtong tinalikdan nga Vogue Philippines gala.

Ginpahulam sang jewelry store nga “Lvna by Drake Dustin” kay Kylie ang 18 karat white gold setting earring.

Halin man sa nasambit nga jewelry store ang suksok nga kulintas sang aktres nga may presyo nga P20,000 tubtob P1 million.