Nabawian sang kabuhi sa ospital ang 18 anyos nga babaye sa pungsod Peru, matapos nga ginbubuan sang gasolina kag ginsunog sang iya 19 anyos nga boyfriend.
Sa report sang ABS-CBN, nagluntad ang insidente sang Marso 18, matapos nga nag-away ang magkarelasyon kag nagdesisyon ang 18 anyos nga si Katherine Gomez, nga bulagan ang iya nobyo.
Nagpalagyo ang Venezuelan nga suspek nga si Sergio Tarache Parra, apang ginpangita ini sang kapulisan, sa bulig man sang International Police.
Miyerkules nga adlaw, Abril 12, ginkumpirmar sang mga otoridad sa Lima, Peru nga naaresto na ang suspek sa pungsod Colombia.
Nakakuha man ang mga otoridad sa Peru sang CCTV footage, samtang nagapalagyo ang suspek gikan sa eksena sang kremin kag nag offer sang reward nga $12,500.
Sang 2018, isa man ka babaye ang ginsunog sang iya ex boyfriend sa sulod sang bus kag nabawian sang kabuhi sa Peru.
Sang tinalikdan nga tuig, naglab-ot sa 136 ang kaso sang femicides okon pagpamatay sang mga babaye sa pungsod Peru.*
