Natinguhaan nga madakpan sang mga kapulisan sa ila mismo nga puloy-an sa Barangay 5 sa ciudad sang San Carlos ang isa ka 25-anyos nga babaye nga halin sa Toledo City, Cebu.
Sa imbestigasyon sang mga kapulisan ang babaye ang makabig undocumented LSI bangod wala ini mag-agi sa insakto nga proseso sang pagpauli sa San Carlos City, Negros Occidental.
Sa pahayg ni Police Major Noberto Barniso, Police Community Relations chief sang probinsya sa is aka interbyu iya sini ginkompermar ang illegal nga pagsulod sang babaye matapos makakuha sang impormasyon.
Matapos nga makuha sang mga kapulisan gindala gilayon sa Julio Ledesma National High School para sa isolation samtang ginahulat ang resulta sang iya sini nga swab-test agud mahibaloan kung ini bala ang apektado sang COVID19 pandemic.
Madumduman nga nagmandu ang National Government sang pagkansela sang travel sang mga LSI’s nga halin sa Cebu pasulod sa iban nga rehiyon bangod sa numero sang kaso nga nabalhag sa ila nga lugar.