Babayi natumbahan sang puno sang eucalyptus samtang nagamaneho sa motorsiklo sa Sagay, pilason!

Pilason ang isa ka babayi matapos matumbahan sang puno sang eucalyptus samtang nagamaneho sang motorsiklo sa may bahin sang national highway sa Hda Ricky, Barangay Paraiso, siudad sang Sagay, takna las una sang hapon, Sabado, Setyembre 30, 2023.

Base sa pagpangusisa sang Radyo Bandera, sakay sang iya motorsiklo ang 32-anyos nga si Cyndryl Grace Meneses samtang nagapadulong sa Central Lopez sang hinali na lamang nabali ang puno sang eucalyptus nga kahoy kag nagtupa siya.

Bangud diri, natumbahan sang kahoy ang biktima rason nga natumba man ang iya motorsiklo sa sementado nga dalan.

Nakaangkon ang biktima sang mga injuries sa iya nga lawas rason nga gilayon ini gindala sa ospital agud mahatagan sang medikal nga atensyon.*