Madamo ang nabilib sa isa ka babayi sa South Africa bangud sa abilidad sini nga magtimpla sang kapin 200 ka tsa sa sulod lang sang isa ka oras.
Ginkilala sang Guinness Book of World Records si Ingar Valentyn bangud sa ginpakita sini nga talento sa pagtimpla sa 249 ka tsa sa sulod sang isa ka oras gamit ang ‘roobois tea’ nga isa ka native nga tsa halin sa South Africa.
Kinahanglan ni Valentyn nga makatimpla sang 150 ka tsa agud mapierde ang anay title holder apang nalapawan niya pa ini.
Gin-inom sang mga estudyante ang gintimpla nga tsa ni Valentyn bangud gina-promote niya ang iya ginhalinan nga lugar kag makilala ini bangud sa nasambit nga tsa.
via Guinness Book of World Records