Bacoleña nga nagpositibo sa covid-19 sa ikalima nga test napunggan nga maka biyahe abroad!

Natinguhaan nga mapunggan ang nakatalana nga pagbiyahe kon tani sang isa ka Bacolodnon nga babaye nga OFW sa pungsod sang Saudi Arabia matapos nga ini ang magpositibo sa COVID-19 sa ika-lima nga swab test sini.

Nahibaloan nga nakuha sang mga otoridad ang babaye sa NAIA ukon Ninoy Aquino International Airport Terminal pila gid lamang ka minuto antes paman ang nakatalan nga pagbiyahe sini padulong sa nasambitan nga pungsod agud mag trabaho sang Oktubre 2, Biyernes nga adlaw.

Sa karon yara na sa facility quarantine ang nasambitan nga babaye matapos ang boluntaryo nga pag-intrigar sang iya kaugalingon.Matandaan nga antes paman mag biyahe pa Manila ang nasambitan nga OFW makaapat ka beses man ini nga mag negatibo sa COVID19.