Ginpahamtang ni Presidente Rodrigo Duterte ang Quirino province kag Santiago City sa Isabela sa idalom sang modified enhanced community quarantine (MECQ).
Sa pre-recorded briefing nga ginpaggwa Lunes sang gab-i, ginpahayag ni Duterte nga ang MECQ ang magadugay humalin Abril 1 tubtob 15 sa Quirino province kag April 1 tubtob 30 naman sa Santiago City.
Samtang, ginpaidalom naman sa general community quarantine (GCQ) ang kabug-usan nga Cordillera Administrative Region, Cagayan, Isabela, Nueva Vizcaya, Batangas, Tacloban City, Iligan City, Davao City, kag Lanao Del Sur.
Ginpahamtang naman sa MGCQ ukon Modified General Community Quarantine ang mga nabilin nga lugar sa pungsod.