Nakit-an ang isa ka baby girl nga ginsulod sa sako kag ginbilin sa Cataingan Cemetery sa Masbate, Miyerkules nga adlaw, Abril 26, 2023.
Viral karon ang video sang pagkasapo sa lapsag.
Mabatian pa ang paghibi sang lapsag nga yara sa sako nga gintupad sa balde nga ginabutangan sang semento kag may unod nga tubig.
Gintabunan pa sang mesh wire ang ibabaw sang sako nga yara sa tunga sang duha ka mga pantyon.
Makita nga ginhigtan pa ang sako nga nasudlan sang lapsag.
Ginhubad sang mga nakasapo ang higot kag ginsaylo sa ibabaw sang pantyo.
Sang pagbukad sang sako, nakita ang lapsag nga naputos sa mga bayo, shorts kag tuwalya. Yara pa ang inunlan sa sulod sang sako kag nakaangot pa ang umbilical cord.
Gilayon naman nga gindala sang mga residente ang lapsag sa ospital.
“Grabing inahanan. Waay batasan. Daghan man ganing nagalisod makaanak lang TAs kamo ginalabay lang ninyo. Maylang Gani may nakakita dayun and safe pa nakaabot sa hospital Ang bata,” suno sa uploader sang video.*
