BACOLOD CITY– Wala pa ginkuha sang pamilya ukon mga abyan ang ginapatihan nga middleman sa pagluthang-patay kay Percy Lapid.
Suno sa Eastern Funeral Services, basi wala sang may magkuha sa bangkay bangud sa pahayag sang kapulisan nga wala man sang may nagabisita sa iya sa New Bilibid Prison sa Muntinlupa samtang buhi pa ini.
Suno naman kay Justice Secretary Boying Remulla, sadtong Oktubre 18 napatay sa bilibid ang middleman nga ginkilala kay Jun Villamor.
Antes makaguwa ang bangkay sa punerarya, kinahanglan sang release order halin sa bilibid kaupod sang death certificate.
Kun indi pa makuha ang bangkay sa tatlo ka bulan, sa New Bilibid Prison Cemetery igalubong si Villamor.*