Nagakaagnas na sang nasapwan ang bangkay sang isa ka mangunguma sa plantasyon sang pinya sa Prk. Marang Brgy. Bago, banwa sang Don Salvador Benedicto kahapon nga adlaw Mayo 9.
Ang biktima ang ginkilala kay Teofesto Villaruel, 38 anyos kag residente sang amo man nga lugar.
Suno kay Lt. Everly Canto, deputy chief of police sang Salvador Benedicto PNP nga nasapwan ang biktima sang tag-iya sang duta nga tuyo kuntani nga manghilamon.
Gilayon nga ginpabalo sang tag-iya ang barangay kapitan sang Brgy. Bago.
Dugang pa ni Canto nga positibo nga gin-identify ang biktima sang iya mga himata kag ginkompirmar sang pamilya nga may yara ini sang deperensiya sa paminsaron kag ulihi nila nakita si Villaruel sang tinalikdan nga Mayo 3.
Indi man makompirmar ni Canto kun may foulplay sa kamatayon sang biktima bangud nagakaagnas na ini kag indi naman luyag sang pamilya nga ipa-autopsy ang bangkay.
