Pilason ang 49-anyos nga pedicab driver matapos ini ginbuno sang ice pick sang iya man lang kapareho nga pedicab driver bangud sa baisanay sa linyahanay sa Public Terminal, Brgy. Palampas, siudad sang San Carlos, takna las 4:30 sang hapon, Lunes, Oktubre 2, 2023.
Ginkilala ang biktima kay Roland Villas y Gonzales, pedicab driver kag residente sang Parola Street, Barangay 6, San Carlos City.
Samtang, ginkilala naman ang suspek kay John Hecto Edem y Nabasa, 45-anyos, kasodom, pedicab drive, kag residente sang Sitio Tabugok, Brgy. Patun-an, banwa sang Calatrava.
Base sa imbestigasyon sang San Carlos City Police Station, naglalisanay ang suspek kag biktima bangud sa linyahanay sang ila nga pedicab sang nagluntad ang insidente.
Bangud sa kaakig, ginbuno sang suspek ang bikitma nga nag-igo sa iya nga likod rason nga gindala ini sa Carlos City Hospital kag ginhatagan sang medikal nga atensyon.
Gilayon naman nga gin-aresto ang suspek kag nakumpiskar sa iya ang isa ka ice pick nga iya gingamit sa kremin.
Nakahunong karon ang suspek sa San Carlos CPS para sa nagakaigo nga disposisyon.*
