Sunday, December 4, 2022

BANGUD SA NADULA NGA PARTE SANG MIXER, PINAY DOMESTIC HELPER, GINMALTRATO

- Advertisement -

Isa ka Pinay domestic helper ang ginmaltrato kag ginkastigo sang iya employer bangud sa nadula nga parte sang mixer sa Saudi Arabia.

Suno kay Aibelle Poniente, ginlampusan siya sang figurine, ginsipa kag ginguyod matapos nga mahibaluan sang iya amo nga nadula ang isa ka parte sang mixer nga gamiton kuntani sa pag-bake.

“Nung binubugbog ako ni madam, nakikiusap ako na hindi ako makahinga pero patuloy pa rin siya na sinisipa ako,” pahayag ni Poniente.

- Advertisement -

Sa bulig sang iya mga kaupod nga OFW, nakapalagyo si Poniente kag gilayon nga nakapanugid sa Philippine Consulate sa Jeddah.

Desidido ang Pinay nga ipadayon ang kaso batok sa iya employer apisar nga gintinguhaan sang bana sini nga ma-settle ang gamo.

“Babayaran daw po ako ng asawa niya ng 1,000 Saudi Riyals makipagclose lang po ako, sabi ko sir hindi 1,000 Saudi Riyals ang buhay ko,” pahayag ni Poniente.

Ginpasiguro naman sang Philippine Overseas Employment Administration (POEA) nga ipadayon nila ang kaso samtang nagapakig-angot naman sila sa agency sang OFW.

Magahatag man sang legal assistance sa OFW ang iyag agency para ma-proseso ang iya repatriation.

- Advertisement -
Coolen Cubia
Coolen Cubia
A newscaster and news writer in one of the Local Radio FM Stations in Negros Occidental. Graduated in University of Negros Occidental-Recoletos Bachelor of Science in Mass Communication.

Related Articles

Leave a Reply

Stay Connected

- Advertisement -

Latest Articles