Bangud sang “bomb joke” flight sang eroplano, na delay sang tatlo ka oras

Tatlo ka oras nga naghulat ang mga pasahero sang Davao city para sa ila byahe padulong sa Metro Manila, bangud sang “bomb joke”.

Naaresto ang 59 anyos nga pasahero matapos ang insidente.

Ginkuha sang miyembro sang Police Aviation Security Group ang babaye kag ginpaidalum sa imbestigasyon, antis gin turn over sa mga pulis sa siudad sang Davao.

221 ka mga pasahero sang Cebu Pacific Flight 5J97 ang naapektuhan sang “bomb joke”.

Magabiya na kuntani ang eroplano sa siudad sang Davao, las 6:45 sang gab-i, domingo.

Antis nagpadayon sa byahe, gindala ang eroplano sa “isolation area” agud husisaon kag mahibaluan kon bala may bomba sa sulod sang bagahe. Las 9:11 sang gab-i, ginpahanugutan na ang eroplano nga makabiya sa airport.*