Nag-paathag ang Bureau of Fisheries and Aquatic Resources (BFAR) nga lehitimo ang ila nga ginpatigayon nga joint operations kaupod ang Bantay Dagat kag Silay Police sa Barangay Guinhalaran sang tinalikdan nga Marso 26.
Ini matapos ila natukiban nga naga-usar sang gina dumilian nga sahi sang net sa pagpangisda ang pila ka mga hulbot-hulbot nga naka angkla sa pala-pala sang amo nga lugar.
Ginsiling ni Fishing Regulations Officer II Arlan Mirambel sang BFAR-Negros nga madugay na nga gina dumilian kag may yara sang “total ban” ang pamaa-agi sang pagpangisda sang mga hulbot-hulbot sandig sa Fisheries Adminsitrative Order 246.
Bangud naga tuga ini sang pagka-guba sang mga “marine habitats”, rason nga tuyo kun tane nga kompiskaron sang grupo ang mga hulbot-hulbot apang nag-tuga sang komusyon matapos nagpamalabag ang mga residente sa lugar.
Ginsiling man ni Mirambel, nga wala sila sang may nakompiskar nga hulbot-hulbot kag ila ginklaro nga bisan naka angkla pa kag wala maaktohan nga nagapangisda ang mga hulbot-hulbot, pwede sila sa gihapon ma dakop kun mahibaloan nga ngagamit sila sang sahi sang gina dumiliaan nga net.
