Magabalik na buwas nga adlaw, Oktobre 31 ang biyahe sang fascraft Bacolod-Iloilo vice versa.
Sa mga pasahero halin sa Iloilo nga residente sang Bacolod ang kinahanglan lang nga magpirma sang health declaration form sa pwerto.
Apang, sa mga pasahero halin sa Iloilo nga residente sa guwa sang Bacolod ang kinahanglan magpaidalom sa LIBRE nga RT-PCR test nga nahamtang sa mga booth sa pwerto.
Suno pa kay Atty. Rayfrando Diaz nga kinahanglan nila maghulat sang resulta sa sulod sang 24 oras sa diin, ang mga magnegatibo sa nasambit nga test ang makakadto na sa ila destinasyon.
Apang, ang mga magpositibo sa nasambit naman nga test ang ipaidalom sa isolation sa sulod sang 14 diyas sa diin, libre ang tanan lakip na ang pagkaon kag tiniran.
Sa piyak nga bahin, ang mga pasahero naman nga luyag maglagaw sa Bacolod ang magapirma man sa health declaration form sa pwerto.
Apang, sa mga luyag maglagaw sa guwa sang Bacolod ang magapaidalom man sa RT-PCR test.
