Nagbiya na si Bonnie Tan bilang coach sang NCAA Champions nga Colegio de San Juan de Letran matapos sang apat ka tuig.
Si Tan ang maga-focus na lamang sa team sang PBA nga NorthPort Batang Pier.
Magabulos bilang coach sang Letran si Rensy Bajar.
Nagapasalamat naman si Tan sa oportunidad nga iya nabaton sa nasambit nga buluthuan.
Sadtong 2019, ginbuslan ni Tan si Coach Jeff Napa.
Dugang pa, ginkilala man si Tan bilang three-time NCAA Coach of the Year.
Kadungan ni Tan sa pagbiya sa team amo sanday Jerrick Balanza, Larry Muyang, Bonbon Batiller, Jeo Ambohot, Ato Ular kag Allen Mina nga yara na karon sa PBA.
Apang si NCAA Season 97 Rookie MVP nga si Rhenz Abando ang yara sa Korea.
Sa pagbiya sang pila ka mga players, pagapangunahan naman nanday Kurt Reyson, Paolo Javillonar kag Kobe Monje ang tean sang Letran.*