Sa impormasyon nga nakuha sang Radyo Bandera Patrol Team sa Police Station 4, nadakpan na ang Isa sa ginaalegar 5 tanan ka mga suspetsado sa pagbuno patay sa biktima nga ginkilala kay Freddie Baldelovar 35-anyos kag residente sang HDA Culahao Estaquio Lopez, Silay City.
Nahibaloan nga nasapwan nalang nga wala na sang kabuhi matapos makaagum sang patal nga pilas tuga sang pagkabuno ang nasambitan nga biktima.
Ginaalegar nga ginlagas pa sang mga suspek ang biktima tubtob nakalab-ot na ini sa Banga Sungi sa Barangay Villamonte kag didto na natumba si Baldelovar.
Natinguhaan nga madakpan sang mga kapulisan subong nga aga ang isa sa mga suspek nga si Jenor Namion Baliguas alyas Tata 38-anyos kag residente sang Purok Sabes, Barangay Villamonte.
Padayon pa ang imbestigasyon sang mga kapulisan sa matuod nga motibo sang kremin.
