Patay ang isa ka manug-bulkit matapos gina-alegar maghikog sini nga aga sang Lunes, Setyembre 18 sa 3rd Road, Puentebella, Barangay Taculing, syudad sang Bacolod.
Ang biktima, naga-edad 37-anyos, may live-in partner nga menor de edad kag may tatlo sila ka bulan nga bata.
Sandig sa pagpangusisa sang Radyo Bandera, nag inom-inom pa kagab-i ang biktima upod ang amay sang iya ka live-in apang bangud sa kahulugbon, nakatulog ini sa ila mismo gina imnan.
Ginpahayag naman sang live-in partner nga mga las 9:00 tubtob 10:00 sang gab-i, nagtulog na siya bangud may 3 months sila nga bata.
Sang tuyo kuntani patyon sang babayi ang suga sa ila balay, ginpangita niya ang biktima apang nasapwan niya nalang sini nga kaagahon nga nagabitay na sa balayan gamit ang pisi.
Sa inisyal nga impormasyon, gina-alegar nga nagapangimon ang biktima sa manugbaligya butane nga kaingod balay man nila.
[Bantayan ang dugang nga detalye]
