Ginakabig nga bugay sang siyensya ang pagkadiskubre sa bulong nga nagapahina sa epekto sang Alzheimer’s disease sa tawo.
Ginasiling nga yara sa 55 milyon ka tawo sa bug-os nga kalibutan ang apektado sang Alzheimer’s disease.
Ang Alzeimer’s disease amo ang isa ka balatian sa utok nga nagaresulta sang “dementia” ukon pagkadula sang memorya kag abilidad nga mangin “functional.”
Wala pa may nadiskubre nga bulong para sa Alzheimers apang nakadiskubre ang mga kompanya nga Eisai Co Ltd kag Biogen sang bulong para pahinayon ang paglala sang sakit sang pasyente.
Sandig sa mga pagtuon, sarang sang bulong nga “Lecanemab” nga kakson sa utok sang pasyente ang deposito sang “amyloid beta” nga nangin rason sang pagsampawanay sang iban nga protein sa utok.
Ini ang nangin rason sa pagkadula sang nerve cells kag nagaresulta sang “memory loss” ukon pagkadula sang memorya.
Nag-apply na ang Eisai sang FDA approval sa Amerika kag kun sa tion nga ma-aprubahan ini, pagasugudan na nila nga ibaligya ang nasambit nga bulong sa USA, Europe kag Japan sa masunod nga tuig.
“The amyloid plaques begin building up 15 to 20 years before the memory loss, and then later the tangles start occurring, and then the nerve cells get smaller. So, it makes sense to try to intervene early and reduce the plaques. If there’s enough amyloid removal, then there can be clinical benefits,” suno kay Dr. Stephen Salloway sang Brown University.
via GMA