SIPALAY CITY – Base sa interview sang Radyo Bandera kay Commander Jansen Benjamin, Operation Officer sang Philippine Coast Guard (PCG) Western Visayas, cardiac arrest ang ginatumod sang attending physician nga rason sa kamatayon sang diving kag swimming instructor nga si Henry Aguillon Jr. sa siudad sang Sipalay kahapon sang Martes, Enero 10.
Nanindugan si Commander Benjamin sa ila report nga na-stuck ang biktima sa coral reef bangud base ini sa pahayag sang dive guides.
Suno kay Commander Benjamin, kun “conscious pa ang biktima” sang ma-stuck ini sa coral, mahimo sini nga makarekober bangud “experienced scuba and rescue diver” ini kag myembro ini sang Philippine Life Saving Society (PLS), ilabi na nga may “dive buddies” kag “dive guides” nga makabulig.
Dugang pa ni Commander Benjamin, kinahanglan man mahibaluan ang natabo: ang sitwasyon sang ginpatigayon nga diving, kun ngaa nalipongan ang biktima sa idalum sang tubig, kag kun may medical condition ukon comorbidities ini.
Nahibaluan nga ‘unconscious’ ang biktima sang nma-rescue, rason kun ngaa ginpaidalum ini sa cardiopulmonary resuscitation (CPR).
Paathag ni Commander Benjamin, “they are PLS ha… for sure they know what they are doing during the CPR… there’s no pulse, no breathing, that’s why they did CPR.”
Ginapamangkot man ni Commander Benjamin, nga isa man ka diving instructor, ang gingamit nga technique sang nag-rescue kay Aguillon bangud posible magresulta sa ‘lung expansion’ ukon ‘lung burst’ sang biktima pananglitan indi husto ang ginhimo sang rescuer. “Most probably ma-drown siya. If ma-stuck ka sa isa ka bagay and then kung conscious ka pa naman, you can recover… To think that he’s a PLS and he’s a certified rescue diver accordingly… for sure he knows the procedure. But ang question is, amo na gani ang ginahambal sang mga siguro na-cardiac arrest siya… or may mga gina-take siya nga medicine nga wala niya na ma-take regularly… that’s why nga nalipong siya. Those are possibilitites… But ang question is nalipong siya, why?” pahayag ni Benjamin.
