Isa ka cashier sang gasoline station ang gin hold-up kahapon sang kaagahon, Huwebes, Abril 20 sa National Highway, Brgy. 1, San Carlos City.
Ang cashier nga si Edwin Deblois y Flores sang Orient Fuel gasoline station ang nag-report sa mga kapulisan kun sa diin, ginabulubanta P50,000 ang nataban sang wala pa makilala nga mga persona.
Nakapalagyo ang mga suspek samtang padayon naman ang imbestigasyon sang San Carlos City PNP angot sa nagluntad nga pagpang hold-up.