Nagpanawagan si PBA party-list Representative Jericho Nograles nga imbestigahan ang isa ka “Chinese beauty product”, sa diin makit-an sa business address ang ngalan sang Manila, bilang probinsya sang People’s Republic of China.
Nagpadala na sang sulat si Nograles sa Department of Trade and Industry kag sa Food and Drug Administration agud e reklamo ang Chinese hair care product nga Ashley Shine Keratin Treatment Deep.
Ginkumpirmar ni Nograles nga “imported” ang nasambit nga produkto nga gina distribute sang isa ka kompanya sa Binondo,Manila kag ginapanag-iyahan sang isa ka Chinese national.
Ginpahibalo ni Nograles, nga gin manufacture sang 2018 ang nasambit nga produkto kag padayon nga gina distribute sa bilog nga nasyon.
Statement of Rep.Nograles:
“The label clearly shows Manila, as a province of China. This incident must be investigated at the very least, and the manufacturer and importer should be blacklisted, as soon as legally permitted.”
