Nagapanguna gihapon ang Barangay Ginebra legend nga si Christian Standhardinger bilang Best Player of the Conference.
Ang Filipino-German nga basketball player ang nagapanguna sa statistical points sang Philippine Basketball Association Governor’s Cup.
Si Standhardinger ang may 44.2 SP, 23.5 points, 10.4 rebounds kag 5.8 assists.
Kun mangin madinalag-on si Standhardinger bilang BPC, ini na ang ika-duha niya nga kadalag-an sa nasambit nga award.
Ginsundan naman siya ni CJ Perez sang San Miguel Beermen nga may 38.3 SP, Jamie Malonzo sang Ginebra nga may 34.7 SP, Roger Pogoy sang TNT Tropang GIGA nga may 19.1 SP kag Scottie Thompson nga may 34.3 SP.
Sa pihak nga bahin, nagapanguna bilang Best Import si Rondae Hollis-Jefferson sang TNT nga may 57.1 SP, 30.4 points, 12.4 rebounds, 6.5 assists kag 2.2 steals.
Ginsundan naman si Hollis-Jefferson nanday Justin Brownlee sang Ginebra nga may 52.5 SP, KJ McDaniels sang Meralco nga may 49.2 SP kag Cameron Clark sang San Miguel Beermen nga may 48.7 SP.*
