Ginpalayag sang Commision on Population and Development (POPCOM) sa organizers sang community pantries nga dapat e-konsiderar ang paglakip sang family planning supplies kag sexual hygiene items.
Sa statement ni Undersecretary Juan Antonio Perez, iya ginsiling nga ang pagdamo sang mga stalls ang makabulig sa paghatag sang family planning services kag items nga essentials kag makabulig sa pagtapna sang unplanned kag teenage preganancies.
“POPCOM is very much supportive of community pantries as a form of collective action in alleviating the need for sustenance of our less privileged. We believe that they will welcome the addition of condoms and pills among the goods they will source—with the help of their local healthcare personnel,” palayag ni Perez.
Dugang pa sini nga pwede mahatag ang condoms para matapna ang HIV kag STI.
Sun okay Perez ang mga local offices sang POPCOM ang ginmanduan nga magbulig sa community pantries pinaagi sa paghatag sang family supplies, condoms kag pills.
Nagpahanumdom naman ang head sang POPCOM sa mga magapanagtag sang condoms kag pills sa community pantries nga e-observe ang health protocols.
